القائمة الرئيسية

الصفحات

اخر الاخبار[LastPost]

الخوازيق - ماكينات حفر الخوازيق - مراحل التنفيذ

 تعريف الخوازيق : هي أعمدة تدق في الأرض أسفل القواعد المسلحة للمنشأ لتنقل حملها إلى طبقة من الترية على عمق كبير ذات قدرة على حمل أحمال المنشأ



1- خوازيق الحفر الدوار باستخدام سائل حفر سند الجوانب : يتم تنفيذ خوازيق مفردة بإستخدام سائل البنتونايت بأعماق مختلفة حتى عمق  44م وبأقطار متنوعة (250،200،150،120،100،80،60 ) سم

2- خوازيق الحفر البريمى المستمر : يتم تنفيذ خوازيق بطريقة الحفر البريمى المستمر بأقطار متنوعة (90،70،60،50) سم وبأعماق تتراوح من 22 م حتى 32 م

الهدف من الخوازيق و انواعها ( piles )

 هو نقل أحمال المنشأ من مستوى قريب من سطح الأرض خلال طبقات ضعيفة قابلة للإنضغاط إلى طبقات عميقة ( السطح الصالح للتأسيس ) أكثر تحملا لضغوط المنشأ في حالة عدم وجود هذا السطح المناسب على أعماق قريبة 
وتنقسم الخوازيق من حيث طريقة نقل أحمال المنشأ إلى نوعين أساسيين هما :
 1- خوازيق الاحتكاك
 2- خوازيق الارتكاز

  
خوازيق الاحتكاك : تعمل على تحمل التربة المحيطة بالخازوق للأحمال الناتجة عن المبنى بالاحتكاك المباشر ، وعادة يتحدد طول بق بمقدار 30 مرة قطره ، كما يتخذ الخازوق شكل متعرج مما يساعد على زيادة قوة الاحتكاك بينه وبين المحيطة
خوازيق الاحتكاك


خوازيق الارتكاز : تعتمد على نقل أحمال المبنى إلى أعماق كبيرة تتراوح بين 8 متر إلى 25 متر تحت سطح الأرض حسب عمق السطح المناسب للتأسيس وهي تستعمل للمباني الهيكلية ذات الأحمال الكبيرة .

خوازيق الارتكاز



 لما كانت الضغوط الناشئة داخل التربة في كل حالة من هذه الحالات تختلف عن الأخرى لذلك يجب ملاحظة لم تعرض طبقات ضعيفة من التربة إلي ضغوط كبيرة ناشئة عن استعمال الخوازيق والعوامل التي تحدد ذلك
1- طول الخازوق
2- مساحة المبنى
3- تكوين طبقات التربة في الموقع


طرق حفر الخازوق
خطوات ومراحل تأسيس وتنفيذ خوازيق الحفر والصب في الموقع
تنقسم عملية تنفيذ أساسات الخوازيق المصبوبة في الموقع عن طريق الحفر والثقب إلى:

1- مرحلة ما قبل البدء في عملية تأسيس الخوازيق
إعداد برنامج التأسيس والتشييد والذي يتضمن معالم ومراحل المشروع الرئيسية.
إعداد وتحديد جميع الاشتراطات والبنود وتنسيقات فحص الجودة.

2- مرحلة تحديد نقاط مواقع الخوازيق
تحديد نقاط الخوازيق بدقة بناءً على رسومات التصميم. وفقًا لمعيار بعض الأكواد، فإن أكبر تفاوت مسموح به لقطر الخازوق 60 سم أو أكثر هو الأكبر من 75 ملم أو D / 2. بالنسبة للخوازيق التي يكون قطرها أقل من 60 سم ، فإن الحد المسموح به هو 50 ملم.
ضع علامة على النقاط المحددة بشكل صحيح بحيث تكون النقاط واضحة وثابتة لتجنب التأثير الضار للأنشطة الأخرى حول المنطقة.
استخدم جهاز مساحي (التوتال ستيشن) أو التيودوليت لتحديد موقع الخوازيق. تأكد من إعادة فحص هذه النقاط قبل بدء تنفيذ الأساسات. إنشاء نقاط مرجعية مؤقتة (TR) لهذا الغرض.
مواصفات الخوازيق المستخدمه في المشروع 
يسمي (مونوبايل)  
اقطار الخازوق يوجد نوعين قطر 2 متر, وقطر  2.4متر
اعماق الخازوق تبدا من 27:19 متر

3- مرحلة التحضير والتخطيط لحركة منصة وأدوات الحفر
قم بإعداد تخطيط يوضح المسار المتوقع لحركة منصة الحفر بناءً على برنامج العمل والتوزيع المخطط (التشوين) للموارد والمواد.
يجب أن يضمن التصميم سهولة تحريك جميع الحفارات دون التسبب في حدوث اضطرابات ومشكلات في عمليات حفر أخرى.
إذا تم إعداد التخطيط وفقًا للإرشادات المذكورة أعلاه ، فسيكون لدى الفريق صورة واضحة عن تخطيط عمل اليوم التالي.

ماكينات الخوازيق : 
1- ماكينه CFA
2- ماكينه Borad pile


4- مرحلة الحفر

5- مرحلة انزال حديد التسليح 
1. قبل إنزال قفص التسليح يجب مراجعة كمية وطول التسليح ومطابقته مع التصميمات.
2. إنزال قفص التسليح إلى البئر عموديا ، دون التأثير على جوانب الحفرة.
3. توفير كفرات كافية في جميع أركان القفص الحديدي لضمان الحفاظ على غطاء خرساني صحيح.
4. تقوية قفص التسليح بقضبان تقوية كافية لتجنب التمايل الجانبي. 
5. لحام الكانات والتقويات والوصلات لمنع الانفصال

6- مرحلة صب الخرسانة
مضخة الخرسانة : يتم تفريغ فيها الخرسانه وتعمل المضخه علي ضخ الخرسانه في هذه المواسير ثم توصل الي قمع الصب

حفر الخوازيق 
ماكينه CFA : بتقدر تنفذ اقطار حتى ٧٠ او ٨٠ سم فقط حسب قدرة الماكينة لو عايز تنفذ خوازيق بقطر اكبر من كده بنلجأ لطريقة الحفر الدوار Board pile ودى بتتنفذ بماكينة شبهها لكن اكبر مختلفة فى طريقة الحفر .

خطوات عمل خازوق بماكينه CFA :
توقيع الخوازيق بيكون بجهاز التوتال ستيشن وده فى الغالب بيكون على حساب الشركة المنفذة للخوازيق ومن ضمن السعر اما لو الاتفاق مختلف يبقى لازم تتفق مع مساح معاه توتال استشن عشان يحدد لك اماكن الخوازيق بالظبط لان اي ترحيل في الخوازيق ممكن يأثر على التصميم وتعديله هيبقى مكلف (هتكبر قواعد وتزود تسليح ) 
التوقيع بيكون بفضله سيخ حديد (استوكه ) بتتحط مكان سنتر لاين الخازوق وبعدين يتحفر جنبها ويتحط ورقه جوه كيس فيها رقم الخازوق ده ويتردم عليها برمل نضيف عشان سهل نستدل عليه بعد كده (هيتم شرحه ) .
الاتفاق مع مقاول او شركة تنفيذ خوازيق  CFA بيكون سعر مصنعية تنفيذ الخازوق بالمتر الطولي حسب القطر وطبيعة الارض ومكان الموقع لازم تتفق مع الشركة ان يكون في هزاز لان في بعض الشركات مش بتجيب هزاز و بنضطر لتنزيل قفص الخازوق باللودر و بيبقي غلط لانه بينزل القفص مايل وممكن كمان يشحط فى جسم الخازوق ولو نزله جامد ممكن يكسر القفص ويفككه من بعض .
لازم يبقى فى لودر بينضف ورا الماكينة و عربيات نقل للمخلفات عشان الموقع هيبقى مليان مخلفات ناتج حفر الخوازيق وهيعيق العمل .
منسوب وقف الماكنة = منسوب الحفر + سمك العادية + ٥سم ( بسكوته ) + ٦٠ فاى ( ٦٠ مره قطر الخازوق ) 
لان خرسانة الخازوق لابد انها تدخل جوه القواعد المسلحة ب ٥ سم .

التعريف بالماكينة :
ماكينة ال CFA بتبقي عبارة عن قايم راسى (tower ) و في اخره من فوق بيبقي فيه موتور (ال روتاري ) وده جواه مجموعة تروس حركة دائرية هو دا اللي بيتحكم في سرعة واتجاة دوران البريمة و بيتحكم في نزول البريمات وطلوعها.
اخر القايم من تحت فى دولاب وده الى بيمسك البريمات من تحت علشان ماتتحركش اثناء حركه الماكينة اواثناء الحفر .
اعلى جزء فى القايم فى جزء كده اسمه العروسه وده فيه بكر كده بتمشى عليه الوايرات الى بتستخدمها فى رفع القفص والخراطيم .

مرحلة الصب : 
قبل الشغل وقبل تنفيذ اول خازوق هنعمل خطوة مهمة وهى اننا بنجيب الخرطوم الى طالع من المضخة الى شغاله مع الماكينة ونحطه اوله على صندوق معلوم الحجم وبنشوف الصندوق ده اتملى بكام ضخة وبالتالى نعرف تكعيب الضخة وهنستفيد منها اثناء صب الخازوق بنحسب الخازوق اتصب بكام ضخة وبالتالى نقدر نعرف الخازوق خد خرسانه اد ايه ونقارنه بالكمية النظرية الى المفروض الخازوق ياخدها ونتاكد بيها ان الخازوق خد الخرسانة الكافية او لا.
من ضمن مشاكل الى بتحصل في عملية الصب لو بتصب بخرسانة جاهزة و انت بتصب الخازوق و الخرسانة لم تكفي لصب الخازوق و عربية الخرسانة الى بعدها اتاخرت قبل مابنصبها بنزل بالماكينة جوه الجزء المصبوب نص متر وبعدين تكمل صب عادي .
لو عايز تظبط موضوع الصب ماتبداش فى صبه خازوق الا اذا كان موجود فى العربيات الموجودة الى يكفى خرسانة له لان لو حصل تأخر كبير في الوقت بين العربيات الجزء المصبوب يشك وممكن نضطر يعاد حفر الخازوق و صب الخازوق من اول جديد .
بعد الانتهاء من صب الخازوق الماكينة بتتحرك علان تنفذ خازوق اخر لازم نتاكد ان الخازوق الى الماكينة هتنفذه يبعد عن اخر خازوق متنفذ فى نفس اليوم مسافة ماتقلش عن ٥ مرات قطر الخازوق والقياس من مركز الخازوق لمركز الخازوق . 

ماكينه borad pile : 
1- يتم عمل الخوازيق بماكينه bored pile  في حاله الاقطار كبيره في هذا النوع يمكن عمل خازوق ذات قطر 250سم بخلاف CFA وايضا طول الخازوق يصل الي اطوال تصل الي 44م 
2- تستخدم في حاله التربه القابله للانهيار والتربه صخريه شديده الصلابه 

عيوبها 
1- مكلفه يعني مصنعيه المتر بطريقه الحفر البريمي CFA تعمل 40 جنيه مصري اما الحفر البريمي يصل الي 120جنيه مصري مثلا..
2- لها اهتزازات وبالتالي تؤثر علي المباني المجاروه 
3- عايزه موقع كبير اي مساحه كبيره نقدر نتحرك فيها و بتعمل ضجيج 
4- ينفذ هذا النوع من الخوازيق بعمل حفرة فى الأرض للمنسوب المحدد من قبل ٠ ويشغل الخازوق الفراغ الناتج عن التربة المستخرجة ٠ ويجب مراعاة ما يلى:
أ- أن تظل جدران الحفرة ثابتة غير منهارة ويتحقق ذلك إما بإنزال ماسورة مؤقتة أو دائمة، أو بملء الحفرة بمعلق البنتونيت ، أو بضخ الخرسانة أو المونة أثناء تفريغ التربة ٠ 
ب- منع فوران التربة الرملية عند قاع الحفر وذلك بملء الحفرة بالمياه فى حالة إستعمال ماسورة casing دائمة أو مؤقتة أو بملء الحفرة بمعلق البنتونيت لمنسوب كاف يعلو منسوب المياه الأرضية لتوليد ضاغط مائى داخل الثقب يمنع الفوران بصفة دائمة. كما يجب فى نفس الوقت إتباع أسلوب للحفر لا يحدث تخلخلا فى تربة قاع الثقب ٠
مراحل تنفيذ خوازيق الحفر الدوار bored piles
1- بيجي المساح و يرمي احداثيات الخازوق بواسطه التوتال استيشن .موضوع الاحداثيات ده من احد طرقه ان في لوحه عليها مسقط افقي للخوازيق ولوحه الموقع العام وبيكون عنده نقطه ثابته علي الموقع العام دلوقت اللوحه فيها مركز الخازوق بيقيس المسافه من مركز الخازوق للنقطه الثابته او احدثيتها .بس مشكله الطريقه دي موضوع مقياس الرسم لذلك قبل الشغل اظبط الرسومات بحيث يكون لها نفس مقياس الرسم وينزل المساح ويصفر الزاويه ويدخل البيانات اللي خرجها من الاتو كاد 
2- بعد توقيع الاحداثيات يتم دق سيخ حديد 30سم كده ورقم لهذا الخازوق 

Casing : عباره عن اسطوانه معدنيه قطرها حسب قطر الخازوق هذا الاسطوانه تكون باطول 4 وفيه 1.5 وفيه 3 لو احتاجنا اطول من هذا يتم عمل لحام ونكمل

فائدتها : كما نعلم ان الخازوق غالبا تكون الارض ضعيفه وطريقه الحفر الدوار عباره عن تفريغ فيه زي كباش بينزل يحفر في التربه وبعدين يطلع يفرغ خارج الحفره غير طريقه الحفر البريمي المستمر ان البريمه بتكون داخل الحفره مش بتخرج منها فدلوقت عن حفره مفرغه وغالبا قطرها كبير اذن هي معرضه للانهيار فاول 1.5او 3م بنعمل اسطوانه حديد علشان احافظ علي التربه انها تنهار طب بعد كده بنستخدم سائل البنتونيت انه يعمل زي سند للحفره 


reaction:

تعليقات